На 12 јули ќе се одржи втората презентација за туризам за микропретприемачи од Полошкиот регион во Тетово, Република Северна Македонија. Настанот ќе се одржи во просториите на Педагошкиот Факлутет – Универзитет во Тетово. За време на презентацијата, модератори ќе бидат членовите на СТЕП мрежата, како и самиот тим на СТЕП. На настанот се очекува присуство на потенцијални претприемачи во областа на туризмот од Полошкиот регион како и туристички водичи, планинарски водичи, сопственици на куќи и викенд куќички кои би сакале да ги изнајмуваат на туристи и други туристички работници. Покрај презентацијата за претприемачи, предвидена е посебна презентација за ИПАРД фондовите и директните бенефиции од нив, презентирана од искусни консултанти на ИПАРД фондовите, кои што веќе соработуваат со дел од членовите на СТЕП.