Bashkia e re e Përrenjasit kufizohet në veri me bashkinë Librazhd, në lindje me Republikën e Maqedonisë, në jug me Bashkinë Pogradec dhe në perëndim me Bashkinë Elbasan. Kryeqendra e Bashkisë është qyteti i Përrenjasit.
Qyteti i Përrenjasit është krijuar si njësi administrative në vitin 1958. Popullsia sipas Regjistrit Civil shkon ne 33,031 banorë. Për fëmijët dhe të rinjtë e ketij qyteti dy janë shkollat kryesore, Shkolla nëntëvjeçare “Qybra Sokoli” dhe Shkolla e mesme “Halit Bërzeshta”.
Qyteti i Përrenjasit ka pasuri te shumta minerare e në bazë të tyre janë ngritur miniera për përpunimin e tyre.